स्कॅट (स्कॅटोफॅगस आर्गस)

                              ग्रीन स्कॅट

रुबी स्कॅट

                          

स्कॅट

मी पहिल्यांदा हा मासा पहिला त्यावेळी मला खूप आचार्य वाटले त्याची सुंदरता बघून. 3 लहान पिलू होती. जी मला आमच्या गावी कोकणातल्या नदीत मासे मारी करता वेळी भेटली त्यांना मी घरी घेऊन आलो आणि माझा व्यवसाय व छंद तोच असल्या मुळे त्यांना वेगळ्या टाकीत ठेवून त्यावर व्यवस्तीत लक्ष देऊन होतो. त्यांच्या बद्दल माहिती मिळवायला लागलो व ती माहिती मिळाल्यावर माझ्या माश्याच्या मध्ये त्या गोष्टी आढळतात का हे लक्षात घेऊन बघत होतो ते पुढे अश्या प्रकारे आमच्या कडे यांना वडा, बाण, टिकल्या इत्यादी असे वेगवेगळ्या नावाने हे मासे प्रसिद्ध आहेत.
ग्रीन स्कॅट हा तपकिरी रंग असून संपूर्ण शरीरावर झाकून गडद हिरव्या व काळ्या रंगाचे डाग किंवा पट्टे असतात. रुबी स्कॅट म्हणजे ( लाल ) हा एक पितळ आणि तपकिरी रंगाचा असतो. ज्याच्या शरीरावर लाल रंग असते. जसजसे वयात येतात तास तास त्यांच्या डोक्याचा भाग वाढतो आणि शरीरावरचे डाग अधिक गडद होतात. त्यांच्या पंखांचा रंग पारदर्शक असतो. व तोंड खालच्या बाजूस असत. प्रौढ वयात त्याच्या माथ्याचा भाग उभट होतो. स्कॅट स्वतंत्र जीवन जगात असताना 15 इंचा (38 सेमी ) पर्यंत वाढू शकतो.व ते साधारणता अंदाजे 15 ते 20 वर्षे आयुष्य जगतात. एक्वैरियममध्ये साधारणते 6 ते 8 इंच (15 ते 20 सेमी) पर्यंत वाढू शकतो. स्कॅट किंवा ग्रीन स्कॅटचा पोटाकडील भागाचा रंग एक चमकदार चांदीच्या रंगाचा आहे. ज्यात हलके हिरवे रंग आहे.
मुख्यतः हा मासा भारतात व भारताच्या आसपासच्या समुद्र लगतच्या हेशमध्ये आढळतो हिंद महासागर , कुवेत पासून ऑस्ट्रेलिया व जपान पर्यंत च्या भगत आढळणारा आहे.
स्कॅटला कमीतकमी 200 लिटर मत्स्यालय आवश्यक आहे. ज्यात भरपूर रोपे आणि लपण्याची ठिकाणे आहेत. मिठाचा प्रमाण हे दर 5 लिटर पाण्यात 3-4 चमचे मीठ पाण्यात आसक्त असते. खाडीतील पाण्यात वाढणारी सजीव वनस्पती निवडावी.
समुद्राच्या खारट पाण्यामध्ये स्कॅट वाढतात . परंतु लिंग आणि त्यांच्या प्रजनन सवयींमध्ये फरक माहित नाही. गोड्या पाण्यापासून ते खार्या पाण्यात हळू हळू बदल केल्याने मासे अधिक चांगलं आयुष्य जगतात व त्याचा रंग आणि आरोग्य वाढवते.
स्काटला प्रामुख्याने भाजीपाला-आधारित पदार्थ प्रसंगी मांसाहारी पदार्थ द्यावेत. कोशिंबिर फ्लेक फूड, हिरवे वाटणे उकळवून द्यावेत आणि कधीकधी ब्राइन कोळंबी खाद्यपदार्थ खाण्यासाठी द्यावे. तसे त्यांना गढूळ अशुद्ध पाण्यात राहणे आवडत असावे. करण असल्या भगत हे भरपूर प्रमाणात आढळतात असतात.
पफर्स, स्कॅट्स, मोनोस, ईत्यादी ब्रॅकिश (खाडीच्या पाण्यातील ) माश्याच्या बरोबर राहतात.

नाव: स्कॅट (स्कॅटोफॅगस आर्गस)
कुटुंब: स्कॅटोफॅगिडे
श्रेणी: हिद महासागर
आकार: 15 इंच पर्यंत
आहार: सर्वभक्षी
टँक सेटअप: गोड्या पाण्यातील, ब्रॅकिश, सागरी: वनस्पती, खडक, ड्रिफ्टवुड अश्या वस्तू टाकीत वापरावे
टाकी तापमान व पी एच : 68-82 ° फॅ; पी एच 7.6-7.8; डी एच ते 15
किमान टँक क्षमता: 200 लिटर
प्रकाश: मध्यम
स्वभाव: शांततापूर्ण
पाण्यात पोहण्यासाठी पातळी: विशिष्ट स्तर नाही.
नर मादीतील फरक माहीत पडत नाही. अजून असा प्रमाण आढळून आलेला नाही

 

प्रजनन : या माश्यांच्या प्रजनना प्राकृतिक होते आपण त्यांचे बंदीस्त अवसतेत प्रजनन करू शकत नाही. करण ते समुद्रात राहून प्रजनन करण्यासाठी गोड्या पाण्याकडे येतात व पुन्हा समुद्रात जातात . पिल्लं मोठे झाल्यावर ते ही समुद्रात जातात. ही प्रक्रिया आपण मच्छालयात करणे फार अवघड आहे. हे मासे सहसा खाडीच्या पाण्यातील खडक किंवा तळात अडचणीच्या जागी अंडी घालतात असे काही संशोधकांचे मत आहे. शक्यतो हि जागा गोड्या पाण्याच्या जवळ आसू शकते म्हणून आपल्याला गोड्या पाण्यात यांची लहान लहान पिल्लं बघायला मिळतात. जास्त करून अडच्चनीच्या जागी हे आढळतात. लहान स्केट्स केवळ खडकाळ नद्यांमध्ये आढळतात आणि लहान पिल्लांना नैसर्गिक खारटपणाच वातावरण आवश्यक असते. आणि प्रौढांना समुद्री संपूर्ण वातावरण आवश्यक असते. पाळीव अवस्थेत त्यांची वाढ चांगली होत नाही आणि आरोग्याच्या अनेक समस्यांना सामोरे जावे लागते. हे मासे प्रौढ स्केट्स संपूर्ण समुद्री खारटपणासह टाक्यांमध्ये उत्तम प्रकारे राहू शकतात. समूहात राहण्याची सवय असल्या हे मासे सहसा आक्रमक प्रजाती वगळता सर्व प्रकारच्या मोठ्या माशांसह चांगले मिसळतात .टँक मध्ये खायालाघालताना किंवा साफ करताना काळजी घ्या, कारण त्यांच्या पंखांवरील काटे सौम्य विषारी असतात. आणि आपल्याला लागल्यास वेदनादायक होऊ शकते.